"Ang Guryon"
ni Ildefonso Santos
Tanggapin mo, anak, itong munting guryon
na yari sa patpat at papel de Hapon;
magandang laruang pula, puti, asul,
na may pangalan mong sa gitna naroon.
Ang hiling ko lamang, bago paliparin
ang guryon mong ito ay pakatimbangin;
ang solo't paulo'y sukating magaling
nang hindi mag-ikit o kaya'y magkiling.
Saka pag sumimoy ang hangin , ilabas
at sa papawiri'y bayaang lumipad;
datapwa't ang pisi'y tibayan mo, anak,
at baka lagutin ng hanging malakas.
Ibigin mo't hindi, balang araw ikaw
ay mapapabuyong makipagdagitan;
makipaglaban ka, subali't tandaan
na ang nagwawagi'y ang pusong marangal.
At kung ang guryon mo'y sakaling madaig,
matangay ng iba o kaya'y mapatid;
kung saka-sakaling di na mapabalik,
maawaing kamay nawa ang magkamit!
Ang buhay ay guryon: marupok, malikot,
dagiti't dumagit, saanman sumuot...
O, paliparin mo't ihalik sa Diyos,
bago pa tuluyang sa lupa'y sumubsob!
Pinagbatayan:markjan-markjan.blogspot.com
Pgninilay:Ang buhay parang guryon minsan kaya mong tumaas nang mas mataas pa sa iba at minsan maari
kanaman nitong ibagsak ng mabilis din sa iba.
-Para sakin ang guyon ay parang buhay kayang magmataas at hindi na pinapansin ang nasa baba.
kaya kong ako man ay magiging guryon ang gusto ay lagi kang akong nasa baba kasing
baba ng aking pag katao.
Walang komento:
Mag-post ng isang Komento